الحلقة الثانية (المسحراتي) ٢٠٢١
________
الدنيا مش دايمة....
على عومك ماهيش عايمه
والناس عليك لايمه...
ياناسي الشقيانين
فطرت ومليت كرشك...
مين ده اللي بقى غشك
ومعرفكش الدين...
رمضانا شهر الرحمة...
مش انت تأكل لحمة.....
وجيرانك مش لاقيين....
قبل ماتفطر اسأل.....
اصل المحتاج بيتقل.....
ودا من أصل الدين
يحسبهم الجاهل......
م العفة اغنياء....
وهما اكتر عوزة....
ولا احنا خلاص جهلاء......
اصحى وفوق لكلامي....
وافهم كمان معانيه.....
لك منى اغلى سلامي...
.معروفك يوم تلاقيه....
صحى روان وعلوه.....
سمعهم معاك الغنوة.....
معزوفة هيه وحلوة
على آلة المطحونين........
رمضاااااااان كريم
____________
بقلمي /رمضان عبد الله احمد
ليست هناك تعليقات:
إرسال تعليق