ليه أما بضحك ببقى حاسس بالوجع
ليه لما بطلع ببقى خايف أني أقع
ليه الدموع جوة عيني بتتحبس
ليه الحياة لسه بيملاها الجشع
ليه الطريق في كل مرة بيتعوج
والصديق مبقاش صديق وليه بتحوج
خايف يادنيا أجي مره وسألك
تقوليلي قلبك ليه بيملاه الطمع
عشمان يادنيا أني اعيش من غير ألم
من غير عذاب من غير أنين من غير ندم
من غير ماحس حد مني بيتخطف
من غير ماتخدي كل حاجة للعدم
أنا عمري عدي ولسة حلمي ماعشتهوش
والفرح فيكي من زمان ماشفتهوش
في كل مرة تقدمي الحزن ليا
وتأجلي الضحكه لية ف كل الوشوش
كان نفسي مره احس بيكي بالأمان
من غير مالأقي الكدب داخل ف الحنان
قلبي الصغير لسة تايه ف الطريق
وف كل مرة بنرمي لومنا ع الزمان
والسكة ليه مبقتش واضحه من بعيد
والأمل خلا السعيد مبقاش سعيد
والجمال مبقتش شيفاه ليه عيوني
كل مافرح ألقى حزنك من جديد
الأماني لسة عايشه ف السكات
والحنين مبقاش حنين بقي حلم مات
والصدف اللي كنا بيها نفرح
خلتنا نبكي ع اللي جاي واللي فات
الصبر ليه مبقاش يصبر الأنين
والجرح لسه فينا عايش بالسنين
والحب كل مايتولد ونتمناه
يفضل صغير بالدموع مولود حزين
سبتينا ليه وختي اعز حد لينا
دحنا بفراقهم أتقتل الفرح فينا
هيا الحياة من غير وجدهم تبقى عيشة
طب مين هيمسح كل دمعة من عنينا
وليه يادنيا بتعشقي كلمة فراق
يتمتي قلبي وخلتيه في كل داء
هفرح بمين ده كان منايا وفرح عيني
كنت أما بزعل بترمي ف حضن الوفاء
لية السنين حالفة لتاخد مني طارها
وتزيد عذابي وغاوية تسقيني فمررها
ماتحلي مره طالتك ليا يادنيا
وريني وشك العدل وعدلي حالها
أنا لسة صابر ع الجاي وعلي فات
والقلب خايف م الكلام ومن السكات
والحنين لقلوب فاتتنا غصب عنها
وسابولنا جرح ف بعدهم والزكريات
صعبان عاليا م القريب والبعيد
كل اللي شايف ابتسامتي يقول سعيد
وميعرفوش الدنيا عاملة معايا أية
حوليا ناس بس قلبي عايش وحيد
كلمات /احمد شمتان
ليست هناك تعليقات:
إرسال تعليق