الحلقة ( ٩) من حلقات المسحراتي ٢٠٢١
___________
عم يامسحراتي........
امشي وبلاش تركب
اوعاك تعملها ف يوم
لو حتى تكون مركب
بحمارك عمال تنط....
وحمار تاني هايقابلك
على نفس الخط.....
ساعتها هتكون لوحدك...
لا هتلحق حتى تتشال
ولاحتى كمان تتحط....
ولافيش ع السكك موكب
وماله المشي يعني...
ها نمشي طول عمرنا
خد بالك انت اسمعني...
ويارتنا نسمع كلنا
امشي هاتوصل بسلامه
والناس تصحى على صوتك
وهايبقى للرحلة نهاية....
أحسن مايصحوا على موتك
يامسحراتي اسمع....
وعن كلامي ماترجع....
انده بقى ع الناس.....
وبلاش لمرارتي تفقع ...
الهي يعمر بيتك....
صحى الناس اللى نامت....
هدي الخلق اللى انهارت......
الفجر خلاص هيأذن....
والشمس من بعيد بانت......
اصحى يانايم...
يانايم اصحى
وحد الرزاق....
رمضااااااااان كريم
________
بقلمي/رمضان عبدالله أحمد
ليست هناك تعليقات:
إرسال تعليق