رباعيات 11
ــــــــــــــــــــــــــــ
لو القلوب ملكـنا كنا فيـــها اتحكمنا
القلوب احنا ملكهاهيا اللي بتحكمنا
والحب سلطان حكـمه علينا ماشي
لو جربته وعيشته ماكنتش تلـومنا
لكل وجع دوي إلا وجع القلوب
واللي في إيده الدوا المحبوب
خاصمـني وهجـرني ولوعـــني
وقبلها بليله كان فيا دايب دوب
بحبك وكنت مستـني منك
أدوق الحنان معاكي ومنك
لقيته مش موجــود عندك
حنان إلا في حروف إسمك
بإيدنا نوجع نفسنا وبإيدنا نهنيها
نبعدها عنها الألم وبالحب نداويها
مانحكمش ع النوايا ربك عالم بيها
نسقيهاليلة هنا وباقي العمر نشقيها
عشقتك وكنتي تتمني أضمـك
ولما صارحتك عاقبتي بهجرك
بكره تشتـــهي وصلي وتتمني
ينطق لســــاني كلمة بحــــبك
إدلعت واتمنعت واتمــايلت ومالت
لماقولتها بحبك تقلت عــليا وقالت
سمعتها من ناس كتير قــبل مــنك
قالوها قبلنا من كتر خطـابها بارت
أيوه إنتي فرسه وانا وحدي خيالك
وانااللي فوق سرجك وفإيدي لجامك
وانا القادر علي ترويضك مش غيري
لأني معايا سكرك وف قلبي مكانك
ليست هناك تعليقات:
إرسال تعليق