الحلقة التالتة من المسحراتي ٢٠٢١
____________
ياللى سامع صوت طبلتي.............
ولساك نايم
هاتصحى امته وتفوق................
وتوحد الدايم
م الندا صوتي مبحوح......
ناجي مولاك....... خليك لحوح
كلامي واضح ومشروح............
وانت كمان صايم
صيامنا مش انك تجوع.....
لسانك كمان يصوم
وودنك ماتسمع ابدا..............
لكلام وف الممنوع
عينك كمان تقفلها................
وزي ماقالوا اعقلها
ورجلك اوعاك تنقلها....
ف طريق وغير مشروع
امسك بقى المصحف................
واقرا ف كام آيه
على طول قلبك هاينضف...........
ياريت تفهم لغايا
كلامي سهل بسيط..........
بلاش تماشي الحويط
ومعاك بدون تخطيط............
افهم انت الحكاية.....
اصحى ياام احمد....
.وصحي احسان...
مسي على جارتك...
ابنها تعبان.....
بيقولوا سخن من امبارح......
ليكون كورونا خدي بالك...
مش هو دا الوقت
يبقى العقل فيه سارح.....
شدي كمامتك وابعدي عيالك ....
وبلاش وحياتك احضان
وارجعى بقى اسحري....
احنا بقينا ف رمضااااااان
رمضااااااان كريم
_________
بقلمي/رمضان عبدالله أحمد
ليست هناك تعليقات:
إرسال تعليق