الحلقة ١٥ من حلقات المسحراتي 2021
*********
ياما ناس في الدنيا جميلة..
وكل ماتمشي ياما تشوف
ناس عمرها ماهاتبقى بخيلة
كُرما بجد في اي ظروف
وشوشهم تلاقيها وقورة
ولايظهروا ابدا ف الصورة
حياتهم دائما مستورة..
ولاتلمح في عيونهم خوف
وانت ماشي قبل الفطار..
بظروفها تشوفهم واقفين
بيكونوا لك ف الانتظار.....
ويدوك م التمر كيسين
يطلبوا بس انك تدعيلهم..
ومن الخير رب يزودهم...
ويبارك حتى أفعالهم.......
يجعل امثالهم ملايين
طالبين بس رضا الرحمان...
وهدفهم جنة ورضوان
وبحق ايام الغفران......
وكل آيه من القرآن
تقبل منهم كل عملهم...
تسمع يارحمان لدعاءهم
والفرودس يبقى مكانهم....
وليهم تنعم يامنان
اصحى يانايم.... يانايم اصحى...
وانت كمان... اصحى باغفلااااااااان.....
رمضاااااااان كريم
********
بقلمي /رمضان عبدالله أحمد
ليست هناك تعليقات:
إرسال تعليق