🎈🍪كحك العيد🍪🎈
كحك العيد
ياما أكلنا
وع الجيران
ياما وزعنا
أصل دى عادة
ولها معنى
كنا زمان بنتسلى
نجيب حنه ونتحنى
ونبات ايدينا
غرقانه حنه
راحت العاده
يا خونا
كنا زمان بنصحى
من عز النوم
ع الفرحه
وكحك العيد
له بهجة
نركب بكاشنا ونغنى
ياابو على ياصياد
اصتاد وادينى ياصياد
واملالى مناديلى ياصياد
ونلف شارعنا
والفرحة تاخدنا
ونغنى كمان
اغانى زمان
ياليلة العيد
انستينا وجددتى
الأمل فينا
واصحابنا تنادينا
نلم عديه من دارنا
من ابويا ومن أمى
ومن خالى ومن عمى
وعديه تانيه من جارنه
الحاج محمد أبو منه
وعمو فاروق والشله
ومعاهم تكمل فرحتنا
بكحك العيد وعيديتنا
🎈🌹✍ منى العشرى
ليست هناك تعليقات:
إرسال تعليق