الحلقة الثانية عشرة من حلقات المسحراتي
رمضان ٢٠٢١
**********
مسحراتي بيحب بلده وناسه..
ولا يتأخرش ف ليله....
من النجمه فى الغيط بفاسه..............
هو وباقى العيله
عاشق لتراب بلاده....
هو زاده وزواده..
بيورثه لاولاده.....
ولا يتعتبرهاش جِميله
زرع ف اولاده الأمانه....
خلاهم يكرهوا الخيانه
علمهم يحنوا دايما............
على الادين الشقيانه
غرس الصدق فيهم....
شاف الوفا في عينيهم
حَبُهم وطبطب عليهم...
مش الطبطبه السهيانه
علمهم يكونوا ناس..
مش اي حاجة وخلاص
ايديهم ممدودة بالخير..
بقلوب مليانه اخلاص
اصحى يانايم... وحد الدايم.....وحد الرزاق
رمضااااااااان كريم
_________
بقلمي /رمضان عبدالله أحمد
ليست هناك تعليقات:
إرسال تعليق