خطاوي طاووس
نحتت طريقي انا بدبوس
كلامي في القاموس محروس
🛣 طريق ماشي طريق مدروس
فارشة الكلمة ريشها طاووس
انا في الأبجدية السد
انا العمية روحها الورد
احب اضحك احب الجد
حروفي الطاقة قاتلة البرد
بنقي الحرف انا اختاره
قاموس عامية انا داره
انا معانيه في اسراره
أنقى الكلمة انا اختارها
حروف انا احب احررها
شايف من بعد منظرها
حروفي انا مين يقدرها
انا الكلمة انا الصورة
روحي في الكلمة محفورة
حروفي ديه بنت امورة
في قصص الحب مزكورة
انا الماضي تراثه الحي
شاعر عامية طالع جي
كلام كلفته يطلع ني
لو فكري فاكر هينام
بصحصح فيه يقوملي قوام
انا للغتي عايش خدام
مش بكتب كلام اوهام
كلامي قماش كتير اتواب
على حروفي حارس بواب
معايا الحرف يتعب تاب
سوءال الحرف الف جواب
انا الشاعر انا المسرح
في بستاني الحروف تطرح
على حروفي بنام بصبح
هتزعل لو انا مروح
نحتت طريقي انا بدبوس
كلامي في القاموس محروس
خطاوي طاووس
الشاعر صلاح الجنايني
ليست هناك تعليقات:
إرسال تعليق