الحلقة (٨) من حلقات المسحراتي ٢٠٢١
_____________
في حب الله بتتلاقى
وتتآلف.........ياما قلوب....
بيحصل بينهم تعارف...
ولاتسمع عنهم عيوب...
مع بعض هما صادقين
وصداقه لرب العالمين
لإخلاصهم على طول صاينين
وشيطانهم منهم مرعوب
في حب الله ورحابه......
بنصادف كتير م البشر
قلوبهم مليانه بالنور
سطع فيها نور القمر
لايعرفوا الخداع
ولاتلقى منهم لواع
صعب حبهم يتباع....
ولصحبتهم ربنا أمر
في حب الله ورضاه....
نصلي لربنا ونسجد.........
وليك يارب دايما....
هانركع ياما وهانعبد
وليك بنكون داعيين
تنصر يارب المسلمين
وتوحدهم على الدين
وعنهم الشرور تبعد
رمضاااااااان كريم
بقلمي /رمضان عبدالله أحمد
ليست هناك تعليقات:
إرسال تعليق