لساك فاكرنى ..!
...........
وف روحك لسه حاجات بتضيع ..
وحاجات بتخاف .. لتكون مواضيع ..
فبتجرى وترمى هموم جواك .
مع ان فى قلبك حلم وديع ..
ماتسيبك بقى من قلب ناسيك
مع ان معاك فيه ناس حواليك
تتمنى رضاك
وتصدق فيك كل الاحاسيس .
مش معنى كلام اتقالك يوم .
وبيجى فى يوم تانى وينساك
الحلم يكون جواك كوابيس .
صدقت كتير فى كلام حكايات .
وبنيت فى الوهم بيوت وقصور .
طب لما لقيت القول كداب .
ليه عشت الضلمة وسيبت النور
ما هى باينة خلاص . إحساسك قال ...
ان المشوار فى الأخر .. زيف .
والأ أنت خلاص ادمنت الكيف .
ودموعك صبحت ... ليه غوياك .!
بتروح لبعيد فى كلام معسول
وبترجع تانى وزى ماجيت
ماحولتش مرة تاخد فى قرار .
وتحدد نفسك صبح نهار
ماتبص وراك شوف فاتك ... كام .!
دى سنين من عمرك ضايعه بلاش
لو إنك كنت دبحت الخوف
واخترت لنفسك عمر شاريك
كنت راح تعيش .. كنت راح تكون
على طول بسام .
والضحكة تعيش ع الخد سنين
من غير احزان
ولا اي .. ملام ..!
.... الشاعر ..
حسن السحماوي
ليست هناك تعليقات:
إرسال تعليق