الحلقة (٥) من المسحراتي ٢٠٢١
_______
ياصايم مستني ليه
عقلك يطير مع رامز
وشوية اعلانات...
مخنا منها بقى باظظ...........
او تنسى نفسك وانت
بتشوف البلطجة
في مسلسلات مسحت
من مخاخنا البرمجة...
ليه تحقق ليهم مشاهدة
ليه تقلب كيان البيت
اعقل وبلاش مناهدة
للشهر ياما استنيت
اوعاك تضيع صيامك
هاتندم طول ايامك
لكل لحظات هيامك
ياللي للرحمة اتمنيت
فين يارمضان اللطافه
فين البسبوسة ولا الكنافه
فين فوانيسك فين الزينه
وبلاش تجبلي سيرة الكثافة
اصحى ياحمدان....
بيقولوا قال ايه....
احنا ف رمضان....
شايفه انت كده....
ولا انا غلطان....
اصحى ياسعيد...
وصحي شمتان....
خليه ينادي وبصوت عالي
على الجيران....
هو رمضان كريم ولا كريم رمضان....
قولهم ياعم هاني....
والنبي قولهم تاني....
اوعاك ياحبيبي تنساني..
فى دوشة المهرجانات
ورقع وخبط الأغاني
رمضااااااااااان كريم
___________
بقلمى /رمضان عبدالله احمد
ليست هناك تعليقات:
إرسال تعليق