الحلقة ال11 من حلقات المسحراتي ٢٠٢١
*******
مسحراتي وكان بطل.............
للحرب وللسلام
كان للامة عاشق...............
ومكنش بتاع كلام
جمع الأمة العربية.......
على كلمة كانت قويه
ومكنش في عفوية...
ولا وعوده احلام
وكنا محرومين........
واشتقنا لارض الفيروز
وجنودنا كانوا صايمين......
وقالوا لازم نفوز
وسلاحنا كان فتاك.........
وعِلي التكبير هناك
والدنيا اهي شيفاك..........
وقالت علينا رموز
زغردت سينا لينا...........
وخدتنا بالأحضان
ورمالها فرحت تحتينا...
لما اختفى الجبان
اصحى وافتكر الذكرى
وافرح يومك وبكرة
خليها دايما ف الفكرة
واحكيها طول الزمان
اصحى وصحي الجنود
نشكر ربي المعبود
عشرة رمضان انتصرنا...
ورجعت تاني الحدود
اصحوا بقى ياشعراءنا...
وسجلوا الانتصارات
فضله كبير رمضانا....
يوم عشرة كان مشهود
اصحى يانايم....
وحد الدايم...
وحد الرزاق...
رمضاااااااااااان كريم
__________
بقلمى /رمضان عبدالله أحمد.
ليست هناك تعليقات:
إرسال تعليق