حببتي مين انتي لقيتك ف دمي
لقيتك ف ابويا وخويا وامي
لقيتك قريبه لقيتك حبيبه
عشقتك وطن
لقيتك ف حاره مفهاش الديابه
لقيتك ف قدره تكفي الغلابه
لقيتك ف لقمه بتحيي الفقير
ولاده بتلعب الملك والكتابه
قبلتك ف حاره ف سيدنا الحسين
بتسقي الغلابه وترقي الحذين
وتدي المنايب وتوفي الندور
وصايمه عاشوره بقالك سنين
قابلتك وكنتي الزمان والمكان
ليوسف نبينا وقمحك آمان
وام عظيمه لكل البلاد
وسله غذاهم ورمز الحنان
وبنتك دي هاجر دي ام اسماعيل
وزوجه نبينا ده جد الخليل
كبرت وشربت ونيلك رواها
وامه محمد معاها الدليل
ياشوع ابن نون وموسي وهارون
وقصه ف نيلك تبكي العيون
لام بترمي ضناها ف يمك
لموجه بتخده لبيت فرعون
حضنتي فمريم وسيدنا المسيح
وصونتي وحميتي الامانه بصحيح
شربو وبركو وكنتي الامان
وحفظه الرساله بمينا الجريح
كلمات /احمد شمتان
ليست هناك تعليقات:
إرسال تعليق