الحلقة ٦ من المسحراتي ٢٠٢١
__________
مسحراتي وبكل شئ بيتأثر
وبياخد برضو على خاطره
ومتبسّم وعمره ابدا مابيكشّر.....
وبيدّي الخلق طيب عطره
بيمر ف قلب مشاعركم
يقطف منها ازهاركم......
وبتعجبه دائما اشعاركم....
وبتعزفوا دايما على وتره
كنت ناشر مرة قصيدة
بغزل ف حروفها الاحساس
كات حروفها بجد عنيدة
ونشرتها وانا كلي حماس
إنّْ حد يعجب بيها!!!!!!!!
او يطلب افسر معانيها
او حتى اللايك الاقيه فيها
قالوا شيل اسمك اللى عليها
وحط مكانه اسم (ريماس)
ماعلينا
اهو رمضان هلّ علينا
وبندعى يارب ينجينا......
ونصحصح ضمايرنا فينا
وقتها ابدا ماهانحتاس
ورمضاااااااااان كريم
_________
بقلمى /رمضان عبدالله احمد
ليست هناك تعليقات:
إرسال تعليق