عايش فى حالى
±±±±±±±±±±±±±±
انا كنت عايش وفى حالى
وراضى بحياتى وبال خالى
والكل بيصر على سؤالى
ياترا انت حكايتك ايه
انا اصلى انسان عادي وبسيط
وعايش حياتى وجنب الحيط
لالى دعوه بحد ولا شكيت
سيبونى فى حالى وفى اللى انا فيه
لايوم شكيت لكم حالى
ولاحد فكر فى سؤالى
ومهما طول موالى
واللى اصبح فيه انا ابات فيه
ابعدوا عنى وسيبونى
ولاتمسحوا دمع عيونى
وليه مصرين تبكونى
هو انا عملت فيكم ايه
خليتونى فرجه للرايح
وكفايه بقى كتر فضايح
احلف بانى ماهاسامح
ولاهانسى انتم عملتم ايه
عمايلكم بتزيد فى مواجعى
الغدر عمرة ماكان طبعى
ولو ولعت كل صوابعى
بدال الشمع مايتمر فيه
مش عايز اعرف شئ عنكم
ولا افتكر انا ملامحكم
وعمرى ابدا مااسامحكم
على كل اللى عملتوه فيه
قلبى خلاص انا نسيكم
ولايوم ابدا فكر فيكم
كنتم فاكرينى بعيش بيكم
دى سيرتكم بتجيبلى الكافيه
±±±±±±±±±±±±±±±±±±±±}
راوية حسن
ليست هناك تعليقات:
إرسال تعليق