الحلقة ١٤ من حلقات المسحراتي ٢٠٢١
__________
مسحراتي لافف كتير
وفهمه بقى اكتر.....
واصبح كلامه موزون...
وبجد بقى اشطر
يكلمك ترتاح لكلامه....
تعجب اوي بسلامه..
والكل ليه ممنون..
ونفسه عندك يفطر
ياما زمان انتظرناك...
وكنا بنمشي معاك...
ونغني نفس غناك....
دلوقتي الحال اتغير....
بنعامله صحيح لكن...
كلامنا من الشباك
كان بالاسم يعرفنا...
وبالنفر ينده علينا...
ع الكبير وع الصغير...
ولامره نسي اسامينا
طبلتة حتى اتغيرت....
مش هي دي الطبله
كلماته لو اتفسرت
تلاقيها اهبل هبلة.....
اصحى وافضالي خالص
بيقولك قفلوا المدارس
معادش لزمة لدراسه
انتهت تمام الهجايص
اصحى يانايم...وحد الدايم
وحد الرزاق...رمضان كريم
_______
بقلمي/رمضان عبدالله أحمد
ليست هناك تعليقات:
إرسال تعليق