الحلقة ١٨ من حلقات المسحراتي ٢٠٢١
___________
مسحراتي عاجبني كلامه..........
كل كلمه وليها المعني
سألت طيب ايه علامه.؟....
قالولي عن مدارسكوا استغني
قالوا الحياة اكبر جامعة
وفصولها للكل اهي سايعه
روح يابني اتعلملك صنعة.......
ولا احتك بأهل المغني
ولا اقولك. العب كوره.....
او اشتغل في الاعلانات
يومين بس وهاتكون حاجه.......
وتبقى معاك المليارات
فكر يلا صحيح بكلامي...
.وبجد ماهي محتاجه تفكير
ضاعت يابني بجد احلامي...
ضاع من عمري يابني كتير
عندك يابني اشغال كتيره...
توصل فيها وتبقي البيه
اصحي يلا ياست مشيرة....
سامعه صوتي ولا ايه؟
اصحي وصحي كل الناس....
واياك تسحر قلقاس
بشوية فول ولا زبادي......
خليك ع المعدة حساس
اصحى يانايم...وحد الدايم...وحد الرزاق...رمضااااان كريم
_______
بقلمى /رمضان عبد الله أحمد
ليست هناك تعليقات:
إرسال تعليق