نسينا بكتب النوان لشاعر حسن السحماوي

 نسينا ... نكتب العنوان ..!

....................

عرفتى ليه أنا بحبك .

عشان أنتِ زمن عمرى

وأنا لسه يادوب بحبى

على السكة ..

عرفتك من سنين فاتت

رماها الضل ..

فى وقت الشط كان شايل مراسيلى

على شطك ..

وكنت أنتِ من بنات جيلى ..

وكراستى ومنديلى وبرايتى

وقلمى الحبر ..

رسمتك صورة فى البرواز ..

ومن يومها

وأنا حافظك فى تفكيرى ..

عشان أنتى فى زرعة نابته من سنى

ربيع وردى ..

عرفتك يومها من صمتك

ومن غيرتك

أنا شوفتك عيون صادقة

فى كلمة سر ..

بحبك وأنت منتظرة

وضلاية على الشجرة ..

و طارحه عواطفى جواكى ..

جناين حب ..

عشان كل السنين عرفانى فى هواكى ..

عرفتك يومها من صوتك ..

وهو جاى .... يسألنى

عن العمر اللى راح منى

وراح منك ..

ووقت ماكان ملازمنى ..

عرفتك وأنت لسه يا دوب

فى صوتك حس يندهلى

ينبت من وصال قلبى ..

عرفتك نبض يروينى

ونهرك جوه شرايينى ..

قابلتك يومها بعد صلاة ..

بحبك ... ااااه .. بيقينى

على عهدك .. اااخاف الله

واصونك وأنت حاتصونى ..

فى قلبك قلب . كله .. حياة

يعيش بينا فى سنين العمر ..

لقيتك لسه تسنيمى ..

وكراستى ودواوينى ..

وكلمة سر مكتوبه

فى عناوينى ..

لقتها لسه وياكى ..

عرفتك .. كنت أنا منك

لقيت حرفك بيهوانى ..

بحبك زى حلم زمان ..

برغم البحر كان عاصف

وموجة تهد فى عواطف ..

ورغم البُعد والهجران ..

عرفتك وأنت أغنية

ولحن جميل فى اامسية ..

وكلمة تقول .. مدادية ..

عرفتك لما أنا شوفتك

حمامة طايرة .. بنية ..

وبتحب الملاغية ..

عرفتك من نسيم شوقك

بضحكاية تهز خدودك الحلوين

حنين باين فى ضى العين

وكان قلبك كبير سامح ..

سنين البُعد والحرمان

لكن زمنى اللى كان ناسى ..

سقانى من مرار كاسى ..

وعاش الهجر والحرمان

لقيتك حلم جوايا ..

وفى النسيان .. ماعدش يبان

وساب فينا دموع وفراق .

نسينا .... نكتب العنوان ..!

..................... شعر ..

حسن السحماوى