ياحبيبى ماتعود
±±±±±±±±±±±±±±±
ياحبيبى ماتعود وتجينى
ياريت تكون مستنينى
ماتبقاش انت وسنينى
كفايا حزنى واسايا
ماتقولى اشكى لمين منك
وفايتنى لوحدى اكمنك
دلوعه وحيله مافيش منك
ياريت تفكر فى رضايا
انا كنت ليك دايما اسامح
تجى تخاصمنى وانا صالح
سايبنى ليه وعلى فين رايح
تعالى واسمع شكوايا
امتى تجينى تصالحنى
وتراضى قلبى وتريحنى
مهما غلطت تسامحنى
ده انت هواك زاد جوايا
طول عمرك بتغلب فيا
وتبكى قلبى وعنيه
بقت كتير عمايلك ديه
ليه تظلم الحب معايا
ياما كتبت كتير عنك
وحكيت كتير عن حبك
ياحبيبى ماترقق قلبك
قلبك ليه قاسى يامنايا
توعدنى دايما هاتجينى
وتفرح عمرى وسنينى
ياحبيبى جنبك خلينى
نسينى تعبى وشقايا
ياما بعت مراسيلى
لاكنت ترد ولاتجينى
بالهجر دايما تجازينى
ايه اخرة عمايلك ويايا
كتبتلك انا اشعارى
وكنت بوصفلك مرارى
ليه دايما بتزود نارى
النار دى قايده جوايا
راوية حسن
ليست هناك تعليقات:
إرسال تعليق