حيرتني ياحاوه يابنت الإيه
كلماتي/محمدابوالحسن
************
حيرتيني ياحاوه يابنت
الإيه
أنامُش عارف ابونا آدم
حبك ليه
أكيد سحرتيله وغمزتيله
برمشك وضحكتي عليه
لحد ماسخسخ منك
ووقع فيكٍ ياعيني عليه
مع إنك عمرك نكدية
وعينك على جيب البيه
وشديدة عليه قوي
وعفية ياحسرة عليه
وفي لحظة بتنكري
وبتنسي وبتيجي عليه
وتقولي ياحسرة عليا
أنا لسة ما دخلتش دنيا
ولاشفت منك يوم راحة
ولاتفاحة ولا ربع جنيه
والصراحة راحة ياروح
قلبي
انا خلاص غلبت وفاض
غلبي أجرلي شاليه
يا تعزل وتسيب حتتنا
وتسيبنا لوحدنا براحتنا
وتاخد أبونيه
إيه رأيك ياسي آدم
سمعّني ساكت كده ليه
ولا اصرخ وانكشلك
شعري
واقول الحقوني ياخلق
ياهووووووووووووووو
الراجل دا مفتري
ودبحني وعملني بانيه
مش بقولك مفترية
وخليتي الراجل يمشي
على إيديه
ويقوم من عز النوم
مفزوع ويقول انا بيييه
محمدابوالحسن
ليست هناك تعليقات:
إرسال تعليق