////////+++ولقيت+++////////
ولقيت الحرف وسط مدادو
امبورش يقلب على عوادو
حالو مغموم عايش مضيوم
ما راضي ضنيتو مسموم
وا ماقداو فيه دوك الفقرة
كبرات معاه ديك الصرة
كلمتو ماباح بسرارو
مافادني وعايش اضرارو
حاولت معاه ودفيتو
باش ماكان راني منسيتو
اتكلم وقال فين الصحبة
ماتيق كلها نقمة وكدبة
ولقيت كلامو كلو صحيح
هذا موج هذا فايت الريح
وقت الحزة يدو ر وجهو
وا عايش على حالو ف لهو
سدان م الموحال يقضي فيه
ديرو ماموجود وحكم عليه
بقلم صقر الحروف الزجال المحجوب بوسبولة
ليست هناك تعليقات:
إرسال تعليق