ارسمينى
..................... عوني هشام
==================
ارسمينى...............جبر خاطر
ياما شيلت معاك ......مخاطر
فى الميدان .......كنت شاطر
بس ليه ...............بتهملينى
ارسمينى................. اى حاجه
دة سؤال.............. عايز اجابه
ليه تجوروا ...........ع الغلابه
وعرقى نازل....... فوق جبينى
ارسمينى.................. وكلمينى
ليه تغيبي.............. وتظلمينى
العيشه غاليه........... ارحمينى
ليه سؤالي......... ملوش اجابه
ارسمينى عامل.......فى مصنع
او حتى فلاح .....عرقه يشفع
ليه الكبار................. بس تلمع
ووقت شدتي .....ما تغيتينى
ارسمينى ..........بورده ليكى
وايدي بتنشف............ عنيكى
انتى روحى ........وافتديكى
انتى رايتك .......فوق جبينى
............ارسمينى .............
ارسمينى .........فى الحساب
واجمعينى......... فى الصحاب
اكتبى............ اسمى ف كتاب
وركزى ........عينك فى عينى
ارسمينى ............برج. عالي
انتى اسمك ........في العلالي
وانظري بعينك ..........لحالي
وقدرينى ......... ليه تهينيني
انا ماشي............. جنب حيط
لا كنت ماكر ........او حويط
شغلى مصنع....... او فى غيط
ياريت فى مره ......تسمعيني
............. ارسميني ...........
ارسمينى معاكي............ حبه
قلبي مليان................ بالمحبه
اجمعينى................... بالاحبه
وابنى بنيانك .............بايدى
ارسمينى......... فى كل ارضك
انا حافظ ........ليكى عرضك
انا ترياق .........وقت مرضك
انتى شريان......... فى وريدى
ارسمينى ..........مجرى نيلك
اندهيلى ....فى لحظه اجيلك
لو حملك .زياده........... اشيلك
وابتسامتك............ هيٍ عيدى
ارسمينى عريس........... لبنتك
انتى عارفه اني..... ما خونتك
فى العبور ....ساعتها صونتك
انا فاكرك ............ فاذكرينى
انا فاكرك ............ فاذكريني
==================
عوني هشام
ليست هناك تعليقات:
إرسال تعليق