وكأن دا حلم بيتحقق
من بعد ما مات
نسهر ونغامر فنصدق
نعشق ونبات
ويبات جوانا شعور مسحور
أنغام رنانه بشكل مُثير
من عزف الجنة كأنها جات
...
وإكمنها فاكهة بتدلع
على خلق الله
وأنا قلبي أمانه بيترفع
عن حد جفاه
...
يلزملها وقفة ونتكلم
من غير حركات
ولا ضحكة زيادة بتتصنف
م الحلويات
ولا غمزة عين
ولا حتى حنين
قلبي المسكين ف العمليات
...
ولأنها مانجه بتتمنع
وأنا قلبي جسور
مُتعب بمتانة ومتكسر
يجي ١٠٠ عصفور
قررت أعدل وجهتهم
ناحية قلبها لو كان بيتهم
في حِمى المأمور
ونزعق جامد ونخلي
آخرتها جنان
ونلم العيلة وبنقرر
نغضب ونثور
يجي ١٠٠ عصفور
#بهاء_اللبودى
ليست هناك تعليقات:
إرسال تعليق