أنا وقلبى
ــــــــــــــــمحمود عمار الزلباني
يا قلبى ياللى مسكنك جنبي
ونازل هدم فى ضلوعي
نعم
ايه الموضوع –لو إنت موجوع
عرفنى سبب وجعك
أرجوك ضلعى مش حامل
وعامل نفسي بأتحمل
كفايه عليا العيون اللى مش ناويه
تجيبها البر
أجيبها يمين تروحلي شمال
على ناس عمرها ما صانت سر
طب دا انت ساكني فى بطن أمي
من بدرى وبرضه نزلت وييايا
ولسه ما فاهمني
ومستنى أشرحلك أنا مين
أنا اللى الزمن خد منى ولا اداني
خد مني سنين فاتت
محسوبه عليا وبس
خد همسي وسكوتى –و إدى عنواني
لحد بيا ما حس
لقيت نفسي انا المسجون وعيوني سجاني
حرمونى من طلة على بكرة
اللى لسه ما جاش
وخلونى عايش ماضى عدى منى بلاش
طب مأنت كنت معايا وعامل نفسك الواعظ
وكنت قصاص الأثر ليهم
وتاريهم كانوا مشاورينك
إن خطوا خطوة تعرفها ولا أعرفهاش
لو مالوا برضه بتدبيرك
وأنا مسكنك جنبى بقى لى سنين!!
وكنت معايا فى الغربة
بقيت تهرب ولا تقولى رايح فين
أجرى على عيونى أسألها
قلبى تاه منى
يبصولى وفيك تاهمنى
ولما تعودأحس ضلوعى وجعانى
وأعرف انك لسه فاكر العنوان
أرجوك بلاش الخبط فى صدرى
وخفف عنى دمع العين
أنا عايش فى محرابكم
كما الناسك
المسكين
أدعى –ونفسى أسمع منكم
بس أمين-
أرجوكم نفسى أعيش لى حتى يومين
نفسى أكون انا الولهان
ومش قائد ثورة الاحزان
ومش خايف من السجان
وكل منايا تنسونى
وأديك عارف العنوان
----------------محمود عمار الزلبانى
ليست هناك تعليقات:
إرسال تعليق