فكريني مبسوط
..............
هو اكمنى بيضحك سنى
فكرينى إنى سعيد مبسوط
حسديني لو قربوا منى
هيلاقوا الهم قاتلني بموت
قالوا عني فرحان متهني
لما سمعونى بدندن بغني
وأنا إللى من صغر سنى
مستني الفرح يوم يفوت
يشوفوا الدمع فى عيني
أقول لهم اطرفت عيني
بخبي همي وكل ظني
ليقولوا عني مسكين ياعيني
ويعرفوا أني حزين بتألم
عهدت روحي لأشكي وأتكلم
من الدنيا أديني بتعلم
عمري ما أسلم رغم الضغوط
حسدوني لما شافوا ضحكتي
قالوا يابخته سعيد فرحان
ياريت يشركونى نار لوعتي
ويعرفوا قد إيه الحرمان
سفينة الهم مدينتي ومرسايا
بحر الحزن موجه جارفني
الأيام كانت بتعاند معايا
كل من صادفني وعرفني
يحسبوا إنى سعيد مبسوط
.......
بقلم.الشاعر
الأمير_محمود
ليست هناك تعليقات:
إرسال تعليق