بتبقى عنيد
***************
في حبك عايش السعادة
وبشتاق لك وانت جنبي
وطيفك كما العادة
بيجيني يسعدلي قلبي
مانت الغالي الوحيد
بتجيني ف المواعيد
تتحدى وتبقى عنيد
للى يشغلك عن حبي
.............
كتبت عن العيون...
وكنت اقصد عيونك
انا اللى بيهم مفتون...
وتايه مابين جفونك
غنيت ليهم كتير...
تعبت ليهم مشاوير
وياما كنت باغير.....
وف حبك هافضل أصونك
..............
قلبي م الفرحة طاير
علشان منتظر وصولك
ونن العين كان حاير
مابين اشتياقي وقولك
الشوق جوايا نار
برصيف الانتظار
والعقل مني طار
وقلبي لقلبك اهو عابر
............
لو كان ع الأشتياق......
انا مشتأق لك
مش ممكن ابدا هانساك.....
دا متهيالك
دا انا قلبي بيناجيك
وروحى فدا ليك
ودايما بناديك.....
واكيد قلبك قالك
"" "" "" ""
بقلم الشاعر رمضان عبدالله احمد
ليست هناك تعليقات:
إرسال تعليق