( قول بالذمة ) م/عبالحميد سالم
قول ع الجونة كلها عرى وأفلام بكش
قول إستفزاز وتبذير قول م يهمكش
وبرضه قول على نماذج فخر لمصر
يعقوب وجنود عزبمتهم شهادة يا نصر
قول بالذمة لما صلاح يبدع مبتفرحش ؟
****
إتكلم على إصلاح خلى الكل يعانى
والغلبان مش ملاحق لكانى ومانى
من دروس لفواتير نار وجشع تجار
لكن بنشوف طرق ومدن ودنيا عمار
قول بالذمة ع اللى يشرف ولا مبتعرفش؟
****
ليه دايما بنبص على نص الكوب الفاضى
ومعظمنا عيشته أفضل كتير م الماضى
بس الفرق كان زمان فيه قناعة واحترام
لكن النهاردة نقطع ف بعض دا شيئ عادى
قول بالذمة مش دى حاجة تأخر ومتقدمش؟
****
عايزين نظهر القدوة الطيبة لهذا الجيل
سواء ف الرياضة وفن وف علم زى زويل
مين خلى رمضان قدوة ولا بيكا وشاكوش
مهو إهمالنا ف التربية والتعليم بقى فنكوش
قول بالذمة مش دى حاجة توقع ومترفعش؟
ليست هناك تعليقات:
إرسال تعليق