( كفايه ياغربه عليا)
ياواحشني ارحمني من الشوق والعذاب
ويامرسال روح اوصفله حال الاحباب
لاطيف بيجيني يرحم حالي ولا سأل عني
بقاله كام يوم حبيبي ناسيني ومابعتش جواب
عيوني سهرانه عشانه ياهوآ وحالفه ماتنام
وليالي الغربه الطويله سارقه الاماني والاحلام
والقلب ياعاشقين مشغول والفكر تايه حيران
ياحيرتي وياغيرتي انا وحبيبي غاب بينا الكلام
وياقلب .مليان حنيه مشتاق ومجروح
وف بعد حبيبي وهجره مين هيداوي الجروح
ويامرسال الحبايب والعشاق روح لحبيبي احكيله
مين راح يداوي جرح القلوب ويهني الروح
يامدوبني ف هواك ومعذبني معاك مااقدرش اتوب
غيابك مرار ودموع واعمل ايه وانا فيك بدوب
حضنك واحشني واللي مصبرني رجوعك يوم
العوازل بيلموني علي صبر غلب صبر ايوب
كفايه ياغربه عليا تعبت من كتر اللوم.
خواطر ( أشرف الدغيدي )
حقوق الملكيه محفوظه
ليست هناك تعليقات:
إرسال تعليق