( وهفضل اقول ) :
وهفضل اقول وطول عمري
نسيني الفرح من بعدك
أنا ف بعدك نفد عمري
وليا انا مين انا بعدك ؟
ده من بعدك مفيش غيرك
بقوم واصحى على ذكراك
أسير روحي وانا أسيرك
ياريتني حبيبي كنت معاك
ولما تجيني في منامي
يزورني الفرح ويسلم
وبس يزيد في آلامي
بتمشي بدون ما تتكلم
اخاف إنك تكون زعلان
وواخد مني على خاطرك
دي دنيا غرورة وانا إنسان
جايز قصرت انا ف حقك
حبيبي سامحني ده انا جايلك
دي صعبه العيشه دي ف بعدك
في حلمي بتيجي مش طايلك
مكانك عالي مين قدك
جمال زكي عينر
ليست هناك تعليقات:
إرسال تعليق