👌👑الصعيد👑👌
الصعيد أصل الكرامة
الصعيد أهل الشهامة
الصعيد بلد الجدود
الصعيد آخر الحدود
ياما خرجتى رجال
طلعوا فوق هدوا الجبال
فى المحن عدوا الصعاب
للوطن كانوا الجواب
الصعيد هى المنارة
أصلها أصل الحضارة
الصعيد ناسها جدعان
أصل مصر من زمان
الصعيدى دايما شاطر
يعدى الصعاب ويغامر
عمره ما فكر يتنازل
الصعيدى عارف أصله
عارف حدوده ونسله
وعارف مكان ما كتب إسمه
فى الحرب هو القنابل
لا يوم يخاف ولا يوم يسالم
الشهادة هى أساسه
أصل الصعيدى شجاع واصيل
بيحكوا عنه من سنين
هو إللى شارب ماية نيل
هو إللى عدا فى وسط الليل
هو الأبنودي وطه حسين
هو إللى فى يوم النيل رواه
هو إللى عمره ما قال الأه
كل الكلام لو قولتوا عنهم
لا يوفى حقه ولا حقوقهم
دا الصعيدى فرفوش وعايق
وله أوقات بيبقى رايق
الصعيدى دمه حامى
لا يرضى بزل ولا يوم يطاطى
انت الحر ودى عوايدك
انت الشجاع ولا يهمك
انت إللى شارى ومبعتش
انت إللى واقف موقعتش
انت إللى صامد ولا همك
لا بعت أبوك ولا بعت امك
يا صعيدى مهما نقول عنك
انت أصيل ومفيش زيك
🌹✍منى العشرى
ليست هناك تعليقات:
إرسال تعليق