أهجرك ليه
______________
انا اهجرك ليه
وانت نسجاني
منسوج بخيط
الامل
أبيض من الغالي
ايه يعني من تعبك
ياحبيبتي نسياني
بكره تصلبي عودك
وترجعي تاني
شامخه شموخ
الجبال
وتسقطي رطبك
أمهات وحياني
آكل وأتسلطن
وأغني موالي
دبيتي في الروح
رقص الوريد م الحب
قام يني جاب الكاس
قالي قوامك صب
أنا قلت قنعانه
من خمر نيل عمري
واديه عرقانه
طرح الهنا وردي
عبيره فواح
سايل على خدي
المسك والريحان
مصري واكيد أصلي
ولو حتى أغروني
ع الهجره بالمجان
راح أرفض الدعوه
واحضنك في أمان
والف بيكي الكون
وابعد عن الغربان
غربان كتير بتحوم
مش حبه ليكي امان
لكن بفضل الله
راح تطلعي لقدام
ويغوروا غربانك
ويبقوا ف النسيان
واولادنا يتسابقم
يجنوا خير البستان
وأنام أنا ف قبري
هادي وكمان فرحان
يافرحي وعمري
ان شاالله تبقي امان
________________________
شعر الاستاذ /طلعت علي مجاهد
ج مصر العربية - اجا-دقهليه
________________________
ليست هناك تعليقات:
إرسال تعليق