الصعايدة 👍
الصعايده أهل الكرامة
الصعايده أهل الشهامة
الصعيد بلد الجدود
الصعيد آخر الحدود
ياما خرجتى رجال
طلعوا فوق هدوا الجبال
فى المحن عدوا الصعاب
للوطن كانوا الجواب
الصعيد هى المنارة
أصلها أصل الحضارة
الصعيد ناسها جدعان
أصل مصر من زمان
الصعيدى دايما شاطر
يعدى الصعاب ويغامر
عمره ما فكر يتنازل
الصعيدى عارف اصله
عارف حدوده ونسله
وعارف مكان ما كتب إسمه
فى الحرب هو القنابل
لا يوم يخاف ولا يوم يسالم
الشهادة هى أساسه
أصل الصعيدى شجاع ومتين
بيحكوا عنه من سنين
هو إللى شارب مية نيل
هو إللى عدا فى وسط الليل
هو الابنودى وطه حسين
هو إللى النيل فى يوم رواه
هو إللى عمره ما قال الآه
كل الكلام لو قولته عنهم
لا يوفى حقه ولا حقوقهم
دا الصعيدى فرفوش وعايق
وله أوقات بيبقى رايق
الصعيدى دمه حامى
لا يرضى بزل ولا يوم يطاطى
إنت الحر ودى عوايدك
انت الشجاع ولا يهمك
إ نت إللى شارى ومبعتش
إ نت إللى واقف موقعتش
إ نت إللى صامد ولا همك
لا بعت ابوك ولا بعت امك
يا صعيدى مهما نقول عنك
إ نت أ صيل ومفيش زيك
👍✍منى العشرى
ليست هناك تعليقات:
إرسال تعليق