المستشار عبدالرسول كريم يكتب :-
( اكتــب يــا قلــم )
اكتب يا قلم بالسن لو حتي كان مكسور
مَالِك زمام الجن ولا كنتش ف يوم مسحور
الحبر من جِنَابك طفح فضح معاه الخجل
لو يوم انتهي الأجل هتلقي الكلام منشور
اكتب يا قلم بالسن لوحبر أو برصاص
حروف كلامك اذي بتقتل كأنه رصاص
احذرعيار لوطاش هيصيب معاه ألوفات
مهماالزمن فات هتلاقي العقول انصاص
أكتب يا قلم بالسن د أصل الكلام فكره
القلب ليها يحن وتبقي ف دفاترك ذكري
ابعد عن أذية الخلق والسحر والتسخير
والكدب والتشهير يخليك للزمن عبره
اكتب يا قلم بالسن و ابني ولا تهدش
بلاش تعيد وتزن وللاساءه ما تردش
يا ما قلام فتنت بلاد الشرق والغرب
وقامت الحرب وماتت ألوف وما تعدش
اكتب يا قلم بالسن واحفظ حدود الله
وراعي الكبر والسن وبلاش تزيد الآه
هيشهد عليك العقل وتشهد كمـان اليد
ولا تلاقي كلام للرد ولو كنت صاحب جاه
شعر المستشار /عبد الرسول كريم
تحريرا في 6/1/2021
ليست هناك تعليقات:
إرسال تعليق