نفس الشبه/بقلم الشاعر حسن السحماوي

 نفس   الشبه .. ......

. خبط  يا ليل السهرانين ..على نجمك  الصاحى .

.طلت نجوم الليل ..

نفس الشبه  صورتك ..

طل القمر يدارى  فى ملامحك ..

زغللت وش  الفجر بنسجام  حسك ..

مع  نسمتك اطوحت روحى .

اتعلقت  بين السما  والأرض

.وسرحت فى الملكوتك

مفرود على طولك ..

وف نظرتك لى ..نن   الجميلة دهب .

. بيطل فى عنيا  .

. مفرود ياصبح النهار على ضهر محبوبي ..

مجدولة على الكتفين شعرها الدافى ..

حسيت بقيمتى وشهامتى ورجولتى ..

لما  لمحت عيونها بصالى ..

حسيت  كفوفها  متشبكه بكفى ..

ولقتنى محدوف على صدرها  الدافى ..

ونسيم هواها على شطها  راسى  ..

فصلت يومها  حالى بمقاسى

مجدافى عايم فى بحر عيونها  صباحى  .

. طل النهار من شرفة  الشبابيك .

. لمح بريق الصبح يتسحب فى منديلى ..

لميت  حاجات فى إحتياج  قلبى ..

ولقتنى حادف نفسى جواها ..

ماهى اصلها  منى وتشبهلى

بصيت وطال  النظر ..

فى الرمش والننى ..وجه الجميلة قمر .

. نظرة  تعلمنى .. سرحت  عواطفى  امل

.. فى سكتى معاها ..

لقتنى منها وهى نفس  الشبه  منى  .

............. شعر .

. حسن السحماوى