خلف الأسوار (314)
......................
محروم حتى إبتسامه
عايش بجني الندامه
من ناس بايعين ضميرها
وكاسوني توب ديابه
ده القلب هو هو
والطيبه رصيدي جوا
من الخوف حقنوه بقوه
مع إنه من الغلابه
إتسيط هدوا بيته
وفضيحته بتروي غيطه
والشوك لا هيبني حيطه
ومصيبته جايه جايه
لا دموعه هتأذي حيه
ولا طيبته المستحيه
حطوه فاترينه عيره
تاج كرسي بيضوي زينه
راسمين له في ألف حيله
صايدينه في شبكه دايبه
نصاب بين يوم وليله
على ضهره داسوا وعدوا
ولوحده شال دي شيله
إتهد في لحظه برجه
نصاب لا بيده حيله
شاهد ما شافش حاجه
ما سابوا له غير نجيله
سوء حظه الشله هربت
ورا سجنه سنين طويله
ووداع يا قلب طيب
وسذاجه مستحيلة ..
والنار أكلت ما خلت
لا باقي له من رمادها
غير عاره وهد عيله
بقلم .. صبري رسلان
ليست هناك تعليقات:
إرسال تعليق