زرع و حصاد (318)
..................
داري داري يا غربتي
داري عني داري
داري ألمي وجعي ووحديتي ووجودي خالي
لا حد عارف موت أنا
ولا حي باقي ..
كل اللي بينا رص طوب
وسلام يا غالي ..
أخريتها أيه جدار يادوب
حاجز وعالي ..
ما حرمني ينده
وأسمعه ولا هو جاني
والنسمه حتى إتغيرت
لخريف كساني ..
ما حروفي عنده إتنست
ولا قالها تاني ..
قال يعني أنا فاكره كمان
وملاك زماني
عايش في دور مظلوم
رماه في بحور أناني
وعنادنا مين هيسدده
ما الزرع عاني
ودموع حصادنا بتشتكي
إرجع لداري ..
حدانا ضله وتوب أمل
في وجودكوا غالي
بقلم .. صبري رسلان
ليست هناك تعليقات:
إرسال تعليق