( يا قطر الصعيد) كلمات /صبري حسين
قطار بيدخل في قطار
في اول النهار
الدم بيجري علي الارض انهار
اتكتبت علينا حوداث القطار
يوم قطار يدخل في قطار
ويوم قطار تولع فيه النار
مش عارفين اخرت الحوار
يا قطر الغلابة
خلفت وراك يتامي
ناس طالعة تدور علي اللقمة
اختارات غصب عنها الغربة
طالعين كلهم امل
رايحين علي العمل
ماجاش في بالهم ان ده اخر مشوار
راحوا زي غيرهم في حوداث القطار
عارفين باقي الحوار
اجتماع كل المسؤلين
هنسمع كلام كله حنان
بس عمر الكلام ما يشفي القلوب
عن اللي راحو من الاهل والاحباب
معقولة الكلام هيحل محل ابن
امه مستنياه يفتح عليها الباب
ياريت الكلام هيرجع اللي غاب
مع كل حادثة للقطار
نسمع نفس الكلام
كأننا بنقرا حوار فيلم من الافلام
احنا مؤمنين بالقدر
عارفين ان لكل اجل كتاب
لكن لازم ناخد بالاسباب
عايزبن مرة نشوف بعنينا الحساب
يا قطار الصعيد
انت قلبك ليه حديد
بتخطف الفرحة من طفل وليد
ليه دايما بتلبسنا السواد
علي خيرة الولاد
كل فترة تاخد في وشك أرواح
ايه الحكاية يا قطار
هو بينك وبينا تار
استغفر الله الواحد الغفار
هو وحده القهار
يارب ارحم ضحايا القطار
ادخلهم جنة تجري من تحتها الانهار
صبري حسين
ليست هناك تعليقات:
إرسال تعليق