انا اسف على النسيان
على التقصير على الاهمال
على القلب اللي ماحسش
بدمعك ع الخدود لو سال
انا اسف على التهميش
على ردودي في وقت الطيش
على العمر اللي ضاع منك
وانا واحد ماقدركيش
انا آسف وميت آسف
على الجرح اللي كان نازف
عشان اكبر واكون سندك
وانا فوق الجراح واقف
انا آسف حقيقي بجد
على كل العقوق والصد
على برودي وانا شايفك
بتهديني الحياة والنبض
أنا آسف قوي يامة
على خروجي من اللمة
على وجودي انا لوحدي
على الأفكار اللي كات سامة
انا الآسف وانا الجاني
لاني كنت من ضدك
لاعمرك كنتِ حاوجاني
ولا قللتِ من ودك
وانا الآسف وانا الندمان
عشان مالحقتش الأحضان
عشان نَفسي اللي مش فاهمة
بإن رضاكِ م الرحمن
انا آسف وايه هيفيد
ياامي وانتِ روحتِ بعيد
و انا قاعد مع صورتك
وببكيلك في يوم العيد!!
#سميرمحمود
ليست هناك تعليقات:
إرسال تعليق