وجع الفراق
بقلمى: سناء العاجز
امى ياعشقى الابدى
فى غيابك قلبى احتار واشتغل بالنار
فى حضنك الحنين حسينا بالأمان
وعلى طبلية فى وسط الدار اتجمعنا
ناكل ونكتب وانتى المثل والقدوة لينا
واللقمة من ايدك يامه كان لها طعم تانى
علمينا نحب بعض وزرعتى القيم والاخلاق فينا
بفراقك انطفات شمعتنا
ويوم ورا يوم بنكبر
بس الدمعه فى عنينا
يامى ياراقدة تحت الثرى
زرعنا صبار نرويه بدموعنا
كنتى ومازلتى نبض قلوبنا
غصب عنى الاقى نفسى عند قبرك عمال ابكى
يا زهرة قطفت من بستان حياتنا
يا مطرا كان يروى حياتنا
وشمسا تضئ دنيانا
ونورا يهدى طريقنا
تاهت الضحكه وبهتت
اشتاق لحضنك الدافئ
وكل ضمة بشوق سنين
وابتسامتك كانت هى الامل لينا
يا وجعا فى قلبى بفراقك
وجرحا لا يشفى
رحمك الله وفى جنة الخلد ملتقانا
ليست هناك تعليقات:
إرسال تعليق