(قصيدة)
_______(الحجر داير)
____&____
ما بقاش زمن الحنان والطيبة.
بقى كله غش و ريبة..
قلوب خاينه وضماير سوده،
ولما تعوذ حاجه حبيبة؟!!!
. ما بقاش زمن الحنان والطيبة..بقى كله غش و ريبة..
بتعرف تلبس ألف وش.
دكتوراه ف نفاق وغش..
ان ماطلتش منك مرادها؟
تعملك دوشه ووش.
وتشوف منها أمور عجيبه؟!!!!
...مابقاش زمن الحنان والطيبة..بقى كله غش و ريبة...
ناس ف حياتك غلطه.
بتنزل أول محطه..
لما يبان لها إنك فاضى،
تكتشف عشرتها أونطه؟!!!
وعنك بتبان غريبه؟!!!!
....ما بقاش زمن الحنان والطيبة..بقى كله غش و ريبة....
حريفه ف رسم الحب.
تخصص ف جرح القلب..
ولما تيجى ف خانة اليك،
تتمسكن ويبان الغلب....
وتقدر على كل نصيبه؟!!!!
....ما بقاش زمن الحنان والطيبة..بقى كله غش و ريبة.....
ضميرها على طول ف أجازه.
تحبس أبليس ف أزازه..
لو قيدت صوابعك ليها شموع،
خساره ف ناس مالهاش عازه....
تملى تجيب فيك العيبه؟!!!!
..... مابقاش زمن الحنان والطيبة..بقى كله غش و ريبة......
تعرفك لما تكون رايق.
مخلصه لييك وانت فايق..
وف وقت الديقه منك تخلع،
وبقلة أصلها تتعايق....
والقطة تتحول لديبه؟!!!!
......ما بقاش زمن الحنان والطيبة..بقى كله غش و ريبة......
بتنسى الحلو وفيك تعاير.
تلاقى الشر من عينها طاير..
بتسلم نفسها لشيطانها،و
ناسيه ان الحجر داير....
سرقاها سكينة الويبه؟!!!!
.......ما بقاش زمن الحنان والطيبة..بقى كله غش و ريبة.......
ليست هناك تعليقات:
إرسال تعليق