أمي /بقلم الشاعر حسن السحماوي

 أمى ..

أنا يا أمى .. لو جار الزمن بيا ..

اعود ليكى ..

تداوى جرح ما فيا .. تعافينى

تضمينى بلمساتك .. بحنية

واحس لمستك .. ليا

يعود نبض الحياة .. فيا .. بأمنية

تصحينى .. وأنا يا أمى .اوجاعك

أحلامك .. وأيامك ..

ودنيا عشت ما فيها .. تناديها

عشان الفجر يتبسم

ونور الصبح ..مايقسم ..

ربوع الخير على بابك ..

تبات الضحكة فى عنيكى

وأمنية .. تصحى كل ما فيا

على دعاكى ..

ولو مس الزمان بابى ..

فى صلاوتك بتدعى لى

يخاف الخوف .. ويهرب

من قصاد عينى .. ويتراجع

ذليل باكى ...

وداأكمنك .. بتدعى لي ..

مافيش بينك وبين المولى

ااي حجاب ..

ووصانا .. فى قرأنه نراعيكى

وأنا يا أمى دلوقتى راح ادعيلك

ياريت ااقدر على جمايلك .. أوفيكى

ورحمة ربنا يا أمى ..

ما حايعوضنى فى الدنيا .. حنان غيرك

............ للشاعر ..

حسن السحماوى