🔹️شهادة تقدير 🔹️
قالولى من سنين
ايديكى تتلف فى حرير
وصفونى بالعطارة
وصفونى بالعطارين
قالولى إنتى النرجس وانتى الورد
وانتى الفل والياسمين
وصفونى بعود الريحان
والمسك والرياحين
قالولى من سنين
ايديكى تتلف فى حرير
قالولى إنتى الأم المثالية
وانتى الطيبة والإنسانية
وصفونى بكرم الأخلاق
وعطونى شهادة تقدير
ياما كتبت قصايد
وياما غزلت مواويل
قالولى من سنين
ايديكى تتلف فى حرير
قالولى إنتى بنت البلد والجدعنه
وفى وقت الشده والله مالك مثيل
وصفونى باللباقة
وقالولى إنتى الصداقة
وقالولى إنتى الأخت
فى زمن وللى فيه الطيبين
قالولى من سنين
ايديكى تتلف فى حرير
🔹️✍منى العشري
ليست هناك تعليقات:
إرسال تعليق