حُب أختفي ..
أنتِ الكلام الحلو كنت من زمن
لما الحروف بتوه مابين سن القلم
كنت الامان والصبح فى طلة نهار
يفرد حنين الشمس ومعاها إنتظار
والليل معاكى نجم سارح فى السما
قمرك فى ضيك كنت لى البسمله
كل الأمال .. االساكنة فى حدودك أنا
ولاكنت ابدا استحالة .. أصدقك ..
ان النهاية الحلوة حاتكون هلوسه
والحب يصبح مرسى شطك وسوسه
مركب وصالك فارده قلعك للرحيل
ميت الف سين .. وسؤال مايعرف أجوبه ..
بس اللى باقى م السؤال .. هو احنا مين ..!
هو اللى بينا كان صحيح .. حب وفا ...
والا وساوس رطرطة لحب أختفى ..!
.................. شعر ..
حسن السحماوى
ليست هناك تعليقات:
إرسال تعليق