🛳بلدى بورسعيد🛳
الله عليكى يا بلدى
قبل الهجرة وبعدها
لما الناس فيكى
كانت عارفه بعضها
والهيئة كانت قبتها
خضرا مزهزها
والبحر المالح والبلاج
كانوا وصفها
والمعدية فى القنال
شايله ناسها وأهلها
والبمبوطيه ع المراكب
السياح تندهلها
والحناطير فى الشوارع
تسمع لخطاويها الغُنى
رنة جرسها وهى ماشيه
حاجة حلوة تسرنا
حى العرب حى المناخ
والشرق كانوا أصلها
مستشفى ناصر والاميرى
ياما عالجوا أهلها
دلوقت بلدى بقى فيها
ناس مش منها
ملوا الشوارع
بالاجرام والبلطجة
قتلوا شبابها
خيرت شبابها وفخرها
بعد ما كانت السمسيميه
قاعدة حلوة تضمنا
والحبايب والجيران
قاعدين ع الراديوا والغنى
يا حره فين دلوقت
روحتى مننا
ولا إحنا روحنا
وانتى باقية بعدنا
🛳بلدى بورسعيد🛳
🌷✍ منى العشرى
ليست هناك تعليقات:
إرسال تعليق