اه يا بلد /بقلم الشاعرة مجدولين ماهر

 اه يا بلد...

كان الولد خارج..للحياة 

على أكل عيشه..

وريحة الموت محاوطاه..

دمك رخيص..

شوية آلاف..

هايرفعوا عن أهلك المعاناة...

لو عشت فوق عمرك سنين..

ما كنت تقدر تكسبهم...

لو ع الأنين...

والدموع ..

بكره ينسوا ..

واحنا فى المواسأه..

أساتذة..ومعانا دكتوراة..

اه يا بلد...

بتبنى بدم الفقير كوبرى...

ومن ثَم تعدمه جواه ..

إصلاح وتنمية...

طرق للى يروح الساحل..

واللى رجليه شايلاه..

بلد جديدة..

والقديمة بالقديمة..

هات نقاسمك لُقمتك..

تعبك شقاك..

ونرفع عن الغنى المعاناة...

والسكنى وسط خلق..

درجة عاشرة..

يا حول الله..

اه يا بلد...

سكك حديد ...

تتعمر إزاى ده فساد سنين...؟

وتكتر الشماعات...

علشان ما ننساه..

شوف كده ما حصل زى كده..

مليون مره فى انجلترا..

شوف فرنسا..

والبلاد المتقدمة..

انتوا كده شعب ..

أى حاجة مش عاجباه

اه يا بلد...

لكن الأوامر العُليا..

نغير بلد فى شهور   ..

إذا جاية على هواه..

لسه الفساد للركب..

طول م الفقر والقيم...

فى دفتر الذكريات..

كان فى زمان هنا بلد..

رافعة الجباه..

واه يا بلد

ماجدولين ماهر