امى وردة
♡♡♡♡♡♡♡♡♡
امى وردة فى كل عيد
امى لحن غنوه اكيد
مهما اقول ولا اعيد
يفضل فى قلبى حبها
مهما اروح عنها بعيد
عمرى قلبى ماكان سعيد
وقلبى عاش دايما شهيد
لما يدوق بعدها
عمرى مادوقت الحنان
ولا حسيت بيوم امان
ولافتح ورد فى بستان
الا وانا فى حضنها
الايام بتروح وتغيب
ولاكان يوم لقلبى حبيب
بيداوى الجراح وتطيب
الا بلمسة يدها
امى دى بحر الحنان
امى يابر الامان
عمرى كله ليكى هان
فى لحظة قرب من حلمها
مهما اغيب ياامى عنك
ولا الايام تحرمنى منك
مش بايدك ده غصب عنك
امى مافيش زيها
يااللى امك لسه عندك
تقدر تاخدها فى حضنك
وبدعاها ترضى ربك
اياك تنسى قربها
لحظة ود فى قرب امى
بينسينى كل همى
ويخلينى افرح واغنى
خسرت كتير من بعدها
روحتى وسبتى قلبى دايب
بعدوا عنى كل الحبايب
ماعدش لى فى الدنيا نايب
صاحبت الدمعه بهمها
اه ياامى خلاص بعدتى
بعد ما فى حضنى كنتى
سيبتى حياتى انتى وروحتى
كنت عايشه فى ضلها
♡♡♡♡♡♡♡♡♡♡♡♡♡♡
«««««راوية حسن»»»»»
ليست هناك تعليقات:
إرسال تعليق