ماشاءالله
وكأنك حته مني
تشبهيني
تشبهي روحي ودمي
بنت خالي
بنت عمي
أو جارتنا اللي بيتها
جنب بيتنا
لما شفتك قلت هيه
بس دي أصغر شويه
نفس روحها ولون عيونها
راسمه بسمه عالشفايف
كل شئ فيها بيضحك
نور وساطع ع المدينه
حته مني اخاف اغازل
واستخبي م العوازل
بس قلبي شافها زقطط
شافها راح ليها سكن
هيا الدفا هيا الوفا
هياعنوان السكن
بس قلبي ليها حن
وارتبك وكتب غزل
يارب يسعدها يارب
وانا اللي عقلي مني جن
يارب تهديها الفرح
وتبعد عن أيامها المحن
بقلمي
أحمد العمدة
ليست هناك تعليقات:
إرسال تعليق