........ ارقص وانا راحل .........
ارقص وانا راحل
والبس بلون الدم
واتلف ع الكاحل
وبلاش وداع الهم
واهو الجبين ضاحل
والدم مبقاش دم
ارقص وودعنى
لسه القلوب عامره
والعقل سامعنى
ماتتوهوش خمره
والفارس اللى ركب
بس الخيول سمرة
تايهه على الساحل
وانا والزمن بالدم
عشناها بمراحل
جفف دموع العين
خفف عن الكاهل
لسه الحياة ممكنه
بدون غرض ياعم
وأهو برضه نستاهل
ولو الزمان ضرنا
لسه القلوب مؤمنه
بتحن بالساهل
وارقص وانا راحل
وبين الكاحل
اصل الدموع مؤلمه
اما الطريق واحل
ارقص وانسي اللوم
يمكن يجيلك يوم
متلاقى شيء موجود
وان الوفا معدوم
وراسمه ع الكاحل
إنسي الزعل منى
وأنسي الزعل منك
دانا من بدا سنى
وأنا قريب منك
قلبي انفرط منى
لما اتوه عنك
والقاني بيك راحل
ارقص على المكتوب
وربنا المعبود
يمكن بمره نتوب
والحب تانى يعود
واحنا بن
ستاهل
........... احمد عامر ...............
ننوه ان ماينشر حق مسجل بالهيئات المنوطه بذلك 1590/2021 س م ب
ليست هناك تعليقات:
إرسال تعليق