( ياريتك تحس بيا )
ياريتك تحس بيا وتشوف حبك عمل ايه فيا
ياتاعبني ومسهرني ارحم دموع عنيا
ياللي حبك من زمان جوايا دايب
حس بهوايا ياللي عني بعيد وغايب
ليه ناسي عهدك اللي كان من زمان ليا
صعبان عليا احبك وانت قاسي بالشكل ده عليا
ياملوعني ومش عايز تصدق حبي ليك
بص في عنيا وشوف شوقي ولهفتي عليك
وشوف قد ايه دبلانين من كُتر السهر بناجيك
أشواقي وحنيني ليك من سنين
ياحلم وحلمناه زمان حبك موديني علي فين
خايف من قلبك يصدمني وياريت تطمني عليه
نفسي في دنيا جميله حارمني منها ليه
انت عارف ياحبيبي انت وحبك بالنسبالي إيه
يانغم حياتي ولحن عمري و موالي
وانت النسيم والنعيم والدوا اللي بيداويني
حتي اللايمين عنك ياحبيبي صبحوا بيسالوني
راح فين هواك وفين راح حنانك
وفين وديت ياحبيبي ليالي غرامك
وانا كل كلمة حب قالتها شفايفك لسه فاكرهالك
يافرحة العمر. من اوله لاَخره مستني قرارك
دي الليالي الحلوه كانت ذكرياتها معذباني
سهرتني،عيونك الحلويين كل الليالي
وياما خدتني وودتني فوق في العلالي
ياللي حبك جوايا دايب من سنين
لما عيوني بتحضن عيونك مش بعرف انا مين
خواطر( اشرف الدغيدي. )
حقوق الملكية محفوظة
ليست هناك تعليقات:
إرسال تعليق